កុមារាអាយុ១១ឆ្នាំម្នាក់បើកបរលឿនហួសកំណត់ រអិលធ្លាក់ផ្លូវ ជ្រុលបុកដើមខ្នុរស្លាប់ភ្លាមៗ
28-January-2016 | ដោយ មួយឡា
ត្បូងឃ្មុំ៖ នៅវេលាម៉ោង១៣និង៤០នាទី ថ្ងៃទី២៧ ខែមករា ឆ្នាំ២០១៦ មានករណីគ្រោះថ្នាក់ចរាចរណ៍មួយបានកើតឡើង បង្កដោយកុមារាម្នាក់អាយុ១១ឆ្នាំ ឈ្មោះ ជា គីមហុង រស់នៅភូមិ ត្រពាំងខ្នារ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ បានបើកម៉ូតូបោះពួយយ៉ាងលឿន សំដៅពីត្បូងទៅជើង តាមផ្លូវក្រាលកៅស៊ូក្នុងភូមិត្រពាំងឈូក ឃុំរកាពប្រាំ វេរចង្កូតធ្លាក់ផ្លូវ ជ្រុលទៅបុកនឹងដើមខ្នុរពេញទំហឹង បណ្ដាលឲ្យស្លាប់ភ្លាមៗមួយរំពេច ។
យោងតាមរបាយការណ៍លោក សួស ស៊ាងលី អធិការនគរបាលស្រុកត្បូងឃ្មុំ បានឲ្យដឹងថា ក្រោយពេលទទួយលបានព័ត៌មាន លោកបានចាត់កម្លាំងជំនាញទៅត្រួតពិនិត្យ កន្លែងកើតហេតុឃើញថា ជនរងគ្រោះបានស្លាប់ដោយសារគ្រោះថ្នាក់ចរាចរណ៍ បើកបរលើសល្បឿនកំណត់ ហើយធ្លាក់រអិលកៀនត្រង់ផ្លូវកៅស៊ូ និងវេរចង្កូតផ្លោងទៅបុកនឹងដើមខ្នុរ នៅអមផ្លូវពេញទំហឹងបណ្ដាលឲ្យស្លាប់ភ្លាមៗ ចំពោះម៉ូតូ ម៉ាកស្កូពីគ្មានស្លាកលេខ ខូចខាតកំរិតស្រាល ។
រីឯសាកសពជនរងគ្រោះត្រូវបានប្រគល់ជូនសាច់ញាតិធ្វើបុណ្យតាមប្រពៃណី៕ ដោយ មែន កំសត់
ចំនួនអ្នកទស្សនា
- ថ្ងៃនេះ6571
- ម្សិលមិញ15191
- សប្តាហ៍នេះ49721
- ខែនេះ71601
- ឆ្នាំនេះ71601
- សរុប20514057